Er du klar for ei utfordring der du kan utgjere ein skilnad? Bømlo Næringsråd søkjer no etter ein engasjert og visjonær dagleg leiar som ønskjer å ta ei sentral rolle i utviklinga av næringslivet på Bømlo. Dette er ikkje berre ei stilling – det er ein sjanse til å bidra til vekst og nyskaping i ein region som er full av potensial.

Ta styringa og skap nye moglegheiter

Som dagleg leiar vil du få ansvar for å leie og vidareutvikle Bømlo Næringsråd, med mål om å styrkje både små og store bedrifter i regionen. Me ser etter deg som brenn for samfunnsutvikling, som evnar å sjå både detaljane og dei store linjene, og som er ein naturleg relasjonsbyggjar. Di evne til å kommunisere og skape møteplassar for næringslivet vil vere avgjerande for suksess i denne rolla.

Dette er ei sjeldan moglegheit til å setje ditt eige preg på næringslivet på Bømlo. Me tilbyr ein fleksibel arbeidskvardag der du får styre di eiga tid, med gode utviklingsmoglegheiter både personleg og profesjonelt.

- Me har jobba hardt for å sikre finansiering og støtte frå medlemsbedriftene våre, og no er me klare til å tilsetje ein dagleg leiar i 100 % stilling. Dette er ei viktig stilling for Bømlo, og me gler oss til å sjå kven som tek utfordringa, seier styreleiar Lauritz Eidesvik.

Kven er du?

For å lykkast i denne rolla, trur me at du har leiarerfaring og sterk interesse for næringslivet. Erfaring med strategisk arbeid, nettverksbygging og kjennskap til offentlege forvaltningsnivå vil vere ein fordel. Du bør òg vere digitalt kompetent, ha god formidlingsevne både munnleg og skriftleg, og kunne handtere fleire oppgåver samstundes.

Det aller viktigaste er likevel ditt engasjement for å utvikle næringslivet på Bømlo. Du bør vere tillitsvekkande, samarbeidsorientert og nyskapande. Sjølv om du ikkje oppfyller alle ønska kvalifikasjonar, oppmodar me deg til å søkje dersom du har relevante erfaringar og eigenskapar.

Me treng di hjelp!

- Då eg bestemte meg for å flytte tilbake til Bømlo, var det utfordrande å få kontakt med bedrifter for å finne ein jobb. Det var mor mi som til slutt fann ei jobbannonse i lokalavisa og tipsa meg. Kanskje er det fleire potensielle kandidatar som i dag bur utanfor Bømlo, men som kan bli tipsa av familie eller vener her heime. Me håpar at denne stillinga når ut til alle som kan vere aktuelle, seier Mari Pedersen Totland, konstituert leiar.

Søknadsfristen er 15. september 2024, og me ser fram til å ønskje den nye daglege leiaren velkomen frå 1. januar 2025. Har du spørsmål omstillinga? Ikkje nøl med å ta kontakt med styreleiar Lauritz Eidesvik.

Sjå finn annonse her: https://www.finn.no/job/management/ad.html?finnkode=364932795

Dette er di sjanse til å bli ein nøkkelperson i ei spanande utvikling i vår framoverlente kommune. Me ser fram til å høyre frå deg!