Styret i Bømlo Næringsråd har gleda av å kunngjere at Ragnfrid Sønstabø er tilsett som ny dagleg leiar. Ho tiltrer stillinga 1. januar 2025, og vil ta over etter Mari Pedersen Totland, som held fram som konstituert leiar fram til då. ⁠

Ragnfrid Sønstabø har brei erfaring frå både politisk arbeid og næringslivet, kombinert med sterk lokal forankring og inngåande kjennskap til næringslivet sine behov og utfordringar på Bømlo. Denne solide bakgrunnen gjer henne svært godt rusta til å bidra til vidare utvikling og vekst for næringslivet lokalt og i regionen.

For å sikre ei ryddig og profesjonell handtering av eventuelle interessekonfliktar, vil Ragnfrid fremje ønske om å redusere stillinga si som varaordførar til 20 % ut denne valperioden. Ho vil òg overlate handteringa av saker som kan føre til interessekonflikt, til andre medlemmar i sitt parti. 

«Eg gler meg utruleg mykje til å ta fatt på denne jobben. Dette er verkeleg draumejobben min, og eg ser fram til å arbeide for medlemsbedriftene i næringsrådet. Samstundes har eg god tru på at eg fint kan balansere denne jobben med varaordførarvervet, og ivareta rolla på ein god måte for alle på Bømlo,» seier Sønstabø.

Konstituert leiar Mari Pedersen Totland saman med ny leiar, Ragnfrid Sønstabø

Styreleiar Lauritz Eidesvik ser fram til å samarbeide med Ragnfrid Sønstabø og uttrykker stor tru på at ho vil vere ein viktig ressurs for næringslivet på Bømlo. "Me har gjennomført ein grundig rekrutteringsprosess med fleire kvalifiserte kandidatar, og me er sikre på at Ragnfrid er den rette til å leie Bømlo Næringsråd vidare med hennar omfattande erfaring og djupe engasjement for lokalsamfunnet" seier Eidesvik.

For ytterlegare informasjon, kontakt:
⁠Lauritz Eidesvik, +47 917 06 745
⁠Styreleiar Bømlo Næringsråd