Ydda er eit heilt nyoppstarta konsulentselskap med base på Bømlo, som har som mål å tilby kortreiste konsulenttenester til næringslivet i Sunnhordland. Med dyktige, løysingsorienterte konsulentar som har relevant kompetanse og inngåande kjennskap til det regionale næringslivet, er Ydda klare til å hjelpe verksemder med å gjennomføre dei rette prosjekta – og gjere dei best mogleg.

Eit av Ydda sine mål er å bidra til at fleire unge finn vegen heim til Sunnhordland. Selskapet legg stor vekt på samarbeid med lokale bedrifter for å skape spennande og varierte arbeidsoppgåver for unge som vurderer å flytte tilbake til regionen. Gjennom slik samarbeid ønskjer Ydda å bidra til vekst og utvikling i lokalsamfunnet.

Selskapet er ikkje på jakt etter nye tilsette akkurat no, men er alltid positive til å knyte kontakt med potensielle framtidige arbeidstakarar. Dette er ein del av strategien for å kunne vekse og vere klare for å møte nye behov i marknaden. Dersom nokon kunne tenke seg å skrive oppgåve eller ta internship innan prosjektleiing, ta gjerne kontakt med oss.

Ydda gler seg til å møte studentar og framtidige bømlabuarar på Heim igjen 19. desember.

For bedrifter som ser etter konsulenttenester med lokal forankring og kompetanse, eller som er interesserte i å samarbeide om å trekke fleire unge heim, oppmodar Ydda til å ta kontakt for ein uformell prat om moglege løysingar.