I over 45 år har Bømlo-verksemda Smart Automation (tidlegare Steinco) levert utstyr til fartøy over heile verda. I dag er det integrerte automasjonssystem og hybride kraftløysingar som dominerer leveransane til svært ulike typar fartøy.

Til hovudkontoret i Hollundsdalen og kontoret i Trondheim har verksemda dei siste tre-fire åra auka talet på tilsette med om lag 10 nye, dyktige fagfolk. Med stor suksess i marknaden og aukande ordremengd er selskapet svært interesserte i å koma i kontakt med fleire som kan tenka seg å arbeida frå Bømlo, og samtidig ha verdsmarknaden som arbeidsplass.

– Me treng både ungdom og meir erfarne folk innan mellom anna elektro, automasjon, programmering og data, fortel dagleg leiar John Kåre Torkelsen, – folk med fagbrev på den eine sida til sivilingeniørar på den andre. – Og me kan lova eit kjekt og utviklande arbeidsmiljø, med godt samarbeid både fagleg og sosialt. Me er på jobb for å ha det kjekt og interessant, og for at kundane våre skal få gode løysingar som dekker deira behov og ynskjer.

Meir informasjon om heim igjen her.