Sjådeg rundt. Kjenn etter. Er det oksygen i lufta du pustar inn? Er temperaturen
passeleg? Håpar du svarar ja.Men om du driv med oppdrett kan du ikkje stupa uti for å sjekka. Då må det målast, med sensorar som snakkar med datamaskinar og som varslar deg om noko ikkje er optimalt. Dette er noko av det Embicon driv med – og dei får du treffa på «Heim igjen!» 

Embicon er eit teknologiselskap som vart starta for 15 år sidan. Selskapet har fokus på utvikling av eigen teknologi og det å setja saman eksisterande teknologi med ny.

Dei har kontor og produksjonslokale sentralt på Rubbestadneset, der dei leverer måleutstyr, hardware og brukargrensesnitt for visning av data. Kundane er oppdrettarar både på sjø og land, fartøyeigarar og andre verksemder som treng måling. Embicon leverer også Motorcomputer-systemet til Nogva motorfabrikk, som overvakar utallige arbeidskatamaranar, mindre fiskefartøy og andre arbeidsbåtar rundt omkring i heile verda. 

Embicon har vokse til eit selskap med åtte faste stillingar og utdannar lærlingar i automatikkarfaget og elektronikkfaget. Dei er alltid på jakt etter gode kandidatar innanfor elektronikk, programmering og automasjon på både fagarbeidarnivå og ingeniørnivå. Med kontinuerleg fokus på forsking og utvikling har me berre sett starten!