Kulleseidkanalen Gjestehamn mottok i går Næringsprisen for 2024

Under årsfesten til Bømlo Næringsråd vart næringsprisen for 2024 tildelt Kulleseidkanalen Gjestehamn. Næringsprisen går til ei bedrift som har lukkast i å sette Bømlo på kartet. Prisen i år er eit maleri mala av kunstnaren Kristin Høyland som driv Galleri Kristina Wilhelmina på Espevær. Næringsprisen i år er sponsa av Scale AQ.

Kriteriane for tildeling av næringsprisen vart definert då me starta opp med prisen i 2023, og nominasjonsprossessen for årets pris vart starta på Bømlakonferansen i september. Deler av styret i næringsrådet og sponsor har vore jury. Det var fleire gode og sterke kandidatar, og dei som var aller nærast som ikkje nådde heilt til topps i år var Zinus, LOS gruppen og Amundsen Kabel.

Takknemleg vinnar

Marius Økland tok imot næringsprisen på vegne av Kulleseidkanalen gjestehamn. Han er administrasjonsleiar i konsernet som eig mellom anna gjestehamna og Fylkesnes fisk. 

- Me er svært stolte over gjestehamna vår, og veldig takknemleg for at næringsrådet løftar oss fram med å gje oss Næringsprisen. Det er svært mange som skal ha del i æra for det arbeidet som ligg bak, både eigarar, tilsette, samarbeidspartnarar og ikkje minst alle gjestene våre, sa han då det vart annonsert kven vinnaren var.

– Eg har lyst å få fram Evy Mæland og Jan Magne Meling som har vore med heile vegen som tilsette her, så dei kan få ta imot prisen på vegne av Kulleseidkanalen gjestehamn. Me vil halda fram med å vera ein samlingsstad både for næringsliv, turistar og oss bømlingar som bur her. No står hotellhyttene ferdige og mange av dei bookingane som ligg inne er det lokale bedrifter som står for, sa han.

- Takk igjen for prisen og velkommen til Kulleseidkanalen Gjestehamn!

Ståle Ytrøy i Scale AQ deler ut prisen til Evy Haugland Mæland og Jan Magne Meling

Juryens begrunnelse:

Næringsprisen 2024 går til ei bedrift som verkeleg vågar å satse i ein bransje som kan vera både utfordrande og sesongavhengig. Dei har sett potensialet, teke intiativ og bygd opp noko som Bømlo kan vera stolt av, eit anlegg som både bømlingar og tilreisande gjerne viser fram og kjem tilbake til.

Pårelativ kort tid har dei etablert seg som ein viktig aktør innan reiseliv,fritid,kultur og matopplevingar. Dei har investert titals milionar i eit anlegg som kjem heile lokalsamfunnettil gode som ein møteplass for næringslivet, ein arena for lokale arrangement, og ein destinasjon for besøkande heile året.

Bedrifta har skapt nye, heilårs arbeidsplassar innan turisme og viser til ei serviceinnstilling som gjer at lokale bedrifter legg sine møter,samlingar og julebord der. Dei har bygd ein samlingsarena for både næringsliv og kutur.

Dei har og befesta musikkfestivalen Ankerfest som ein del av sitt faste sommarprogram, ein utandørs musikkfestival som løftar fram lokale band og artistarm, og plasserer dei på samme scene som nasjonale artistar.

Ein av dei inkomne nominasjonane seier "Endå har dei tilgode å gå i økonomisk overskot, men med solide eigerar og eit langsiktig perspektiv viser dei kva ekte lokalt engasjement og bømlaentusiasme er. Det handlar ikkje berre om avkastning, men om å gi tilbake til samfunnet og skapa verdiar for fellesskapet"

Jurien peikar tilslutt på at "bedrifta skapar positivt omdøme for Bømlo,løftar fram lokal stoltheit,skapar arbeidsplassar og har gjennom året levert ein ekstraordinær innsats for å gjera Bømlo til ein betre stad å bu og besøkje".

Bømlo Næringsråd gratulerer Kulleseidkanalen med næringsprisen og ynskjer eigerar og tilsette lukke til videre.