Bømlo Vidaregåande Skule arrangerer Open Dag den 4. februar 2025, og Bømlo Næringsråd oppfordrar bedrifter til å nytte denne unike sjansen til å visa seg fram for framtidas arbeidstakarar.

Open Dag går føre seg på begge skulen sine lokasjonar, Leite og Rubbestadneset, frå kl. 16:00 til 19:00. Bedrifter kan rigge stand frå kl. 15:30. Dette er ein gyllen moglegheit til å presentere bedrifta si for både elevar, foreldre og andre interesserte.

Kvifor stille med stand?
Dette er ein flott arena for å vise fram teknologi, produkt eller tenester for å inspirere ungdommar til å satse på ei framtid innan dykkar bransje. Kanskje kan de ta med utstyr som kan demonstrerast eller testast ut? Skulen legg til rette for at kvar bedrift blir knytt opp mot dei utdanningslinjene som passar best, gjennom ein tydeleg fargekoding.

Avgrensa plassar – meld dykk på i dag!
Interessa for Open Dag er stor, og det er avgrensa plass til bedrifter. Bli med og vis fram kva arbeidslivet på Bømlo har å by på!

Påmelding skjer via denne linken:
https://forms.office.com/e/mbwzxPym1m

Kontaktpersonar:
Andreas Tislavoll (andreas.tislavoll@vlfk.no, 47607087)
Nina Tysse (nina.tysse@vlfk.no, 45447710)

Me håpar å sjå mange av dykk både med og utan stand denne dagen. Dette er ein flott anledning til å styrke samarbeidet mellom skule og næringsliv!