Bømlo Næringsråd besøker Eidesvik Offshore

Bømlo Næringsråd(BN) har starta rundturen til sine hovudsponsorar, og det første besøket var på Langevåg hos Eidesvik Offshore. Her fekk me møte Helga Cotgrove, CEO i Eidesvik Offshore. Helga Cotgrove har lang erfaring frå offshorebransjen og starta i Eidesvik som CFO i 2022. Den nye daglege leiaren i Bømlo Næringsråd saman med styreleiar i BN Lauritz Eidesvik er ute hos hovudsponsorane våre på ein rundtur for å bli kjent med og få signaler på kva som er viktig framover for medlemsbedriftene, og kva BN bør ha fokus på.

Eidesvik Offshore er oppteken av stabile rammevilkår, maritim kompetanse og rekruttering.

Eidesvik er også svært opptekne av å ha eit levande lokalsamfunn. For å tiltrekke seg arbeidskraft må lokalsamfunna vera attraktive, difor vert tilflyttarstrategien og arbeidet med den framover viktig for lokalsamfunnet.

Fakta om Eidesvik Offshore

I over 20 år har selskapet satsa målretta innanfor miljøretta teknologi, så ein kan trygt seia at Eidesvik er ein av pionerane innanfor det grøne skiftet. Selskapet arbeider for å redusere utsleppene med 50% innan 2030 og målet er å ha ein klimanøytral flåte innan 2050. I over 20 år har selskapet satsa målretta innanfor miljøretta teknologi. Reiarlaget var først med LNG som drivstoff og batterisystem i offshorefartøy, og har no som mål å bli først med ammoniakk som drivstoff. Så ein kan trygt seia at Eidesvik er ein av pionerane innanfor det grøne skiftet.

Næringsrådet ynskjer Helga Cotgrove lukke til i det viktige arbeidet med å vidareutvikle Eidesvik Offshore som det leiande offshorerederiet innanfor grøne fartøy.