Torsdag forrige veke var det årsmøte og årsmøtefest på Kulleseidkanalen Gjestehamn. Totalt møtte 51 personar, og det blei ein kjekk og innhaldsrik kveld.

Styreleiar Lauritz Eidesvik leia sjølve årsmøtet, der han blant anna presenterte årsmelding og årsrekneskap for 2024, samt la fram medlemskontigent og budsjett for 2025 til vedtak. Under val av nytt styre vart Svein Martens vald inn som nytt styremedlem, medan Cecilie Tingvoll Hope vart takka av for innsatsen.

Etter årsmøtet tok dagleg leiar Ragnfrid Sønstabø over og leia årsmøtefesten. Gjestene fekk servert ein god trerettars middag, og stemninga var god rundt borda. Åsmund Nesse stord for underhaldninga gjennom kvelden med flotte, eigenskrivne songar.

Under middagen vart Næringsprisen delt ut, og årets vinnar blei Kulleseidkanalen Gjestehamn – som fekk velfortent heider for innsatsen dei gjer. Meir om næringsprisen kan de lese her.

Ordførar Morten Helland held eit innlegg om arbeidet i kraftgruppa og korleis dei jobbar for Sunnhordland. Han var tydeleg på at grensa på 1 MW som er ved Stord trafo ikkje betyr at dei som har behov for meir ikkje får, men at ein må ta kontakt slik at ein kan finne ei løysing.

Stortingsrepresentant Liv Kari Eskeland heldt så ein takk for maten-tale, før kveldens foredragshaldar, Egil Hollund, slapp til. Han er kommunikasjonssjef i Stavanger Næringsforening og presenterte eit skråblikk på Bømlo, og ein økonomisk rapport for kommunen. Innlegget hans skapte mykje engasjement og begestring i salen.

Me ønskjer å rette ei stor takk til Fylkesnes Fisk for å vere sponsor for årsmøtet, og til Teca for å vere sponsor for årsfesten. Takk til Scale AQ som var sponsor for næringsprisen. Tusen takk til alle som deltok og bidrog til ein hyggeleg kveld saman.